SNURA KUITEKA DAR LIVE JANUARI 26!

Mwanamuziki Snura Mushi akifanya vitu vyake.

Wacheza shoo wa Snura wakikamua jukwaani, ambapo wacheza shoo hao wameapa kuvitegua viuno vyao jukwaani siku ya June 26 ndani ya Dar Live Mbagala kwenye shoo iliyoandaliwa na shirikisho la filamu Tanzania TAFF kwa ajili ya kuchangia ofisi ya Bongo Muvi pamoja na Comedian.

Video mpya ya Snura "Debe la Vanga"

Na Livingstone Mkoi

Mwanamuziki anayechipukia akitokea kwenye filmu Snura Mushi Januari 26 mwaka huu anatarajia kuwathibitishia mashabiki kuwa yeye ni moto wa kuotea mbali kwenye muziki atakaposhusha bonge la shoo kwenye uwanja wa taifa wa burudani Dar Live.

Akipiga stori na Xdeejayz meneja wa msanii huyo Hemed Kavu alisema kuwa msanii wake alikuwa kambini toka tarehe tano mwezi akifanya mazoezi na kundi lake kwa ajili ya video ya wimbo wake mpya aliouita jina la "Debe la Vanga" ambapo kwa sasa video yake iko ndani tv mbalimbali.

Aidha HK aliongeza kusema kuwa "Mikakati ya Snura mwaka huu ni kufikia kilele cha mafanikio kupitia muziki na kuanzia shoo hii ya tarehe 26 atafanya maajabu makubwa kwa staili yake mpya ya uchezaji ambayo tunaamini mashabiki watachanganyiwa watakapoiona" Alisema Hk

Hata hivyo nae Snura aliieleza Xdeejayz kuwa mwaka huu hataki mchezo kabisa kwenye mambo yake ya kazi kwani mwaka uliopita alitumia kujitambulisha kwa mashabiki wake na anashukuru walimpokea vyema. Lakini mwaka huu ni kazi tu hadi kieleweke.