KESI YA KUDAIWA KUBAKA YA DIRECTOR MAARUFU WA FILAMU WA KAMPUNI YA STEPS YAFUTWA KITUO CHA POLISI OYSTERBAY, SASA YUKO HURU!

Na Sakina Shabani
Ilie kesi iliyokuwa inamuandama mfanyakazi wa kampuni ya usambaji filamu nchi ya Steps Entertainment Ltd Selles Mapunda ya kutuhumiwa kumbaka msanii mchanga aliyetajwa kwa jina moja la Nance sasa imefutiwa mbali na Polisi Kituo cha Oysterbay kabla haijapelekwa mahakamani kwa madai haikuwa na vielelezo vya kutosha toka kwa mshitaka.
Habari za uhakika zilizonaswa na mtandao huu toka kituoni hapo zilisema polisi imeamua kuifuta rasmi kesi hiyo iliyokuwa imelipotiwa kwa jalada namba OB/RB/20861/2012 na OB/IR/11918/2012 KUBAKA baada kukosa ushahidi wa kina ambapo pande zote mbili zilikubaliana na maamuzi yakafikia kesi hiyo ifutwe ili kila pande iwe huru.
Hata hivyo akiongea na Xdeejayz muda mfupi baada ya kesi hiyo kufutwa Mapunda alisema " Namshukuru Mungu hii kesi haikuwa na ukweli wowote lakini sala zangu kwa Muumba zimejibu na sasa niko huru ila nimesamehe kila kitu hata huyu bint pia nimemsamehe zaidi nashukuru wapelelezi wa kesi hii ambao wametenda hali" Alisema Mapunda 
Hata hivyo bint huyo anaedaiwa kubakwa nae aliiambia Xdeejayz kuwa alishamuachia Mungu tangu mwaka jana na alishamsamehe Mapunda kwa yote aliyomfanyia hivyo anamchukulia Mapunda kama msanii mwenzake na kakaake hivyo hana kinyongo nae" Alisema dada huyo aliyetambulika kwa jina la Nance