VITU VYA SHARO MILIONEA VILIVYOIBIWA NA KUKAMATWA KUZIKWA:KITALE!

Yaelezwa ni maagizo ya Mama mzazi wa Sharo,Vitu vitakavyozikwa ni pamoja spea taili,redio ya gari,beteri,saa ya mkononi,suruali aina ya jins pamoja na tisheti na begi. 
Na Mwandishi Wetu
Habari toka Mkoani Tanga nyumbani kwa marehemu Sharo Milionea aliyefariki mapema wiki iliyopita kwa ajali ya gari kisha vibaka kumporoa baadhi ya mali zake na baadae kukamtwa wakiwa na mali hizo familia ya hiyo imepanga kuvizika vitu hivyo.
Akiongea na wasanii wenzake Jumapili iliyopita Kitale ambae kwa sasa amechaguliwa na familia ya marehemu Sharo kusimamia baadhi ya majukumu aliyoaacha msanii huyo kabla ya kufariki.
Kitale aliyasema hayo alipokuwa kwenye kikao cha wasanii wa komedi kilichokuwa na mada ya nini cha kufanya baada ya msiba wa sharo pamoja na kufanya maandalizi ya arobaini ya Sharo"Mama wa marehemu ameagiza mali hizo kuzikwa ardhini na asingependa kuziona tena" Alisema Kitale
Hata hivyo Kitale aliendelea kusema uamuzi huo uliofanywa na mama wao huyo haukupingwa na ndugu yeyote na familia hiyo inajipanga siku ya kuzika vitu hivyo.

Wakati huo huo kuna taarifa kuwa kumezuka matapeli ambao wanajifanya ndugu wa marehemu kutaka michango ya kwa ajili ya kumsaidia mama huyo Kitale alisema hao wanajitafutia balaa kubwa kwani mama huyo ameshatoa onyo kwa mtu yeyote atakaejipatia pesa kupitia jina la Sharo cha moto atakiona.