AFYA YA MZEE MAJUTO SIO NZURI,WATANZANIA WATAKIWA KUMUOMBEA KWA MUNGU!

Kusafirishwa haraka toka Tanga kuja Dar kwa matibabu,Mtoto wake aongea na Xdeejayz na kuweka wazi ugonjwa unaomsumbua babake.
Na Livingstone Mkoi
Afya ya Mfalme wa Komedi Tanzania Amari Othuman Majuto”King Majuto”  ni ya mashaka baada kusumbuliwa na maradhi ya kuvimba miguu pamoja na shingo.
Akiongea mbele ya kikao cha wasanii wa Komedi Tanzania kilichofanyika mwishoni mwa wiki iliyopita kwenye ukumbi wa Vijana Kinondoni na kushuhudiwa na mwandishi wetu mtoto wa muingizaji huyo aliyefahamika kwa jina la Hamza Amri Majuto alithibitisha taarifa za ugonjwa wa babaake.
Habari zaidi zilisema kuwa mzee Majuto anasumbuliwa  na kuvimba miguu pamoja na kuvimba shingo hali inayomfanya akose amani muda wote.
Mtoto huyo aliongeza kusema mzee wake amekuwa akisumbuliwa na maradhi hayo kwa kipindi kirefu kidogo lakini alikuwa anatumia dawa za kawaida,Hata hivyo maradhi hayo sio ya kutisha sana kwani pia anajiweza kutembea mwenyewe kwa miguu yake hivyo ni hali ya kawaida.
Hamza ambae aliongea kwa ufupi alisema kuwa hali ndo hivyo babaake anahitaji dua ili apone haraka na kuendelea na majukumu yake ya kila siku.