MWILI WA MAREHEMU MARIAM KHAMIS WAZIKWA NA MAMIA YA WATANZANIA

 

SAA 10 jioni leo kama ilivyotangazwa hapo awali, mwili wa Marehemu Mariam Khamis ulizikwa katika makaburi ya Ndugumbi, Magomeni jijini Dar es Salaam.Maelfu ya wakazi wa Dar es Salaam walijitokeza kwenye mazishi ya mwimbaji huyo nyota wa miondoko ya muziki wa taarab huku kila mmoja akiwa ametandwa na uso uliojaa huzuni.

Mume halali wa marehemu Mariam Khamis, Haji Kijungu ambaye ni mpiga bass wa Super Shine Taarab alikuwa ni mmoja wa watu waliowatia watu simanzi msibani hapo hasa kutokana na ukweli kuwa katika kipindi cha mwisho cha uhai wa marehemu, wawili hao hawakuwa wakiishi pamoja.

 Mwili wa marehemu MARIAM KHAMIS ukipelekwa makaburini.

 Ndugu,jamaa na marafiki wakikaa kwa huzuni msibani

jeneza la  marehemu mariam khamis