WAKAZI WA NAKASANGWE JIJINI DAR WAMUANDALIA MAPOKEZI MAKUBWA RAIS JOHN POMBE MAGUFULI, WAMTAKA AFIKE KUONA NGUVU YA MAFISADI INAVYOFANYAKAZI HUKU WAKITAMBA ILE MBAYA..!

 Rais wa Jamuhuri ya Muungano wa Tanzania Dr John Pombe Magufuli, ambae anasubiriwa kwa hamu na wakazi wa Kata ya Wazo na Nakasangwe au "Kaza Roho" wanaimani atamaliza mgogoro wao wa ardhi ambao una harufu ya rushwa toka wawekezaji na baadhi ya watumishi wa Manispaa ya Kinondoni na ofisi ya Mkuu wa Mkoa wa Dar es Salaam ambao wanalalamikiwa na wananchi  kwa uonevu wanaofanyiwa.

 Mkuu wa Mkoa wa Dar es Salaam, Saidi Meck Sadiq.

Mkuu wa Wiyala ya Kinondoni akiwa na wakazi hao wa  Nakasangwe kata ya Wazo akiwasikiliza malalamiko yao juu ya mafisadi hao, na Dc huyo kugundua wazi kuwa kuna uonevu mkubwa kwa wakazi hao.

Wamtaka afike kuona nguvu ya ufisadi inavyofanya kazi huku baadhi ya watumishi wa Manispaa ya Kinondoni wakihusishwa. DC Makonda Apongezwa.

Na Mwandishi Wetu

Wakazi wa Kata ya Wazo na Nakasangwe wamemuomba Rais Dokta John Pombe Magufuli kuanza ziara kwenye kata hiyo ili kushuhudia uonevu na ubabe unaofanywa na watu wanaojiita wawekezaji kwa kuwavunjia watu makazi yao huku wakidai kuwa ni yao.

Wakazi hao ambao wamesheherekea zaidi ya siku 3 ushindi wa Rais huyo ambae wanamini ataweza kuwasaidia na kuwasambaratisha mafisadi hao ambao wana nguvu ya ajabu kutokana na kuwa na pesa nyingi ambazo ilidaiwa waliweza kuhonga baadhi ya watumishi wa Mkoa pamoja na Manispaa ili wawezeshe kuwavunjia nyumba zao na kuwahamisha na zoezi hilo lililofanikiwa.

Katika kikao kilichofanyika hivi karibuni cha Mkuu wa Wilaya aliandamana na Mkurugenzi wa Manspaa ya Kinondoni, Afisa Ardhi wa Manspaa na maofisa wengine toka Wilayani akiwepo RPC Wambura na kwa kauri yake Mkuu wa Wilaya hiyo na  wakazi walioathirika na ubabe huo wa wawekezaji, Dc huyo aligundua chanzo cha mgogoro huo kuwa ni rushwa na si kitu kingine na kuahidi kupambana kwa kadri atakavyoweza ili wananchi hao wapate haki yao ya makazi.

Hata hivyo Mkuu huyo wa Wilaya alitoa angalizo kuwa mgogoro huo huenda nyuma yake kuwa na mtu mwenye nguvu kuliko yeye hivyo ni heri pia wananchi hao wakashirikiana na Mwenyekiti wao wa mtaa ili wapate timu itakayokuwa inasimamia ufatiliaji.

Wakiongea na gazeti hili wakazi wa eneo hilo ambao waliothiriwa na ubabe wa mafisaidi hao mmoja wa wakazi hao ambae ni mwandishi wa kituo cha E-fm Radio Bwana Livingstone Mkoi alisema" Kiukweli hali haikuwa nzuri tangu 2012-13 wananchi wengi tulipoteza mali zetu, makazi yetu mengi yavunjwa kibabe na Polisi waliodai kutumwa na Mkuu wa Wilaya aliyepita  Mh Jordan Rugimbana kwa madai kuwa sisi tumevamia eneo la mwekezaji, na kila tulipoenda ofisini kwake kwa ajiri kufanya mazungumzo ya amani na kumueleza kama eneo hilo sisi tulipewa na Serikali kupitia Mkuu wa Mkoa Mh Yusuph Makamba, alitoa majibu kuwa huo utekelezaji ni maagizo toka ofisi ya Mkuu wa Mkoa" Alisema Mwandishi huyo

Mwandishi huyo aliongeza kusema kutokana na nguvu fedha utekelezaji wa kubomoa nyumba hizo ulitimizwa chini ya Jeshi la Polisi Mkoa wa Kinondoni  kwa ubabe mkubwa, lakini hata hivyo suala hilo lilitinga kwenye chombo cha Sheria na hatimae wakazi hao walishinda kesi na Manispaa kuamuriwa kuwalipa fidia wakazi hao kwa vile walikuwa wakiishi kihalali eneo hilo kwa vile upande wa team mafisadi ulishindwa kuwakilisha vielelezo vya msingi vinavyoonesha kuwa hilo ni eneo lao, hata hivyo katika hali nyingine mafisadi hao walifungua tena kesi nyingine ambayo inaendelea hadi sasa.

Hata hivyo wakazi hao wanaimani na Rais Dokta John Pombe Magufuli atasaidia kusambaratisha mtandao huo wa ufisadi ambao unaodaiwa kuanzaia ofisi ya Mkuu wa Mkoa wa Dar es Salaam na Maofisa Ardhi wa Manispaa ya Kinodoni ili wananchi hao waishi kama watanzania halisi na kuondoa dhana kwamba wao ni wavamizi na sio raia wa Tanzania ndio kesi waliyopewa, huku tuhuma hizo zikiletwa kwenye kipindi kisichokuwa cha uchaguzi lakini kipindi cha uchaguzi madai hayo huwa hayapo.
Credit: maskanibongotz