TAMASHA LA USIKU WA MATAUMAINI UWANJA WA TAIFA LAINGIA SURA MPYA MWAKA HUU, TIMU ZA WABUNGE CHINI YA MAZOEZI MAKALI!

 Timu ya wabunge ambao ni mashabiki wa Yanga wakiwa picha ya pamoja mwaka jana muda mfupi kabla ya kukipiga na wabunge mashabi wa Simba.

 Waheshimiwa safari hii kazi moja tu kuifunga timu ya Simba inayoongozwa na Captain wake Idd Azan.

 Timu ya wabunge ambao ni mashabiki wa Simba wakiwa picha ya pamoja mwaka jana muda mfupi kabla ya kukipiga na wabunge mashabi wa Yanga
Na Livingstone Mkoi.
 Lile tamasha liliovunja rekodi kwa kujaza maelfu ya watu huku burudani zikishika hatamu sasa mwaka huu limeboreshwa na kuwa la kimataifa zaidi huku burudani zisizo za kawaida zikitarajiwa kushamili.

Akiongea na Xdeejayz mratibu wa onesho hilo Abdallah Mrisho alisema kuwa " Kimsingi mwaka huu tumeborsha zaidi ya ilivyokuwa mwaka jana kwani michezo mingi imeongezeka pamoja na burudani ambapo bado tuna malizia uhakiki wa wasanii wote nyota toka nje ya nchi na hapa nyumbani  watanzania wote wakae mkao wa kula na kusoma zaidi magazeti yetu pendwa ya Ijumaa, Amani, Risasi, Championi na Uwazi.Magazeti hayo yote  yatakuwa yanakuletea taarifa kamili juu ya onesho hilo' Alisema Mrisho

Aidha kwa upande wa timu kutakuwa na timu za Waheshimiwa Wabunge ambao ni mashabiki wa Simba na Yanga watacheza mechi kali na ya kusisimua huku pia waheshimiwa wabunge watapigana ngumi za kweli kweli ikiwa ni sehemu ya  kuazimisha tamasha hilo.